Guddoomiye Ku-xigeenka Hay’adda Maareynta Musiibooyinka Qaranka Soomaliyeed (SoDMA), Dr. Axmed Cabdi Aadan, ayaa kulan soo dhaweyn iyo isbarasho ah la yeeshay Beatriz Rubio Navarro, Madaxa Xafiiska Soomaaliya ee Komishanka Midowga Yurub, Ahna Agaasinka Guud ee Ilaalinta Madaniga iyo Hawlgallada Gargaarka Bani’aadannimada ee Yurub (ECHO).
Kulanka waxaa diiradda lagu saaray xaaladaha gargaarka bani’aadannimo ee Soomaaliya, diyaar-garowga khataraha la xiriira El Niño oo la filayo, xogaha ku saabsan khataraha iyo saameynta fatahaadaha, iyo sidii loo xoojin lahaa tallaabooyinka hore ee ka hortagga musiibooyinka.
Sidoo kale, waxaa kulan looga hadlay xoojinta taageerada iyo iskaashiga u dhexeeya Dowladda Soomaaliya, Hay’adaha gargaarka iyo ECHO, si loo xoojiyo diyaar-garowga iyo gurmadka bulshada nugul.
0 Comments