Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macallin Cabdulle, ayaa maanta xafiiskiisa ku qaabilay Wakiilka cusub ee UNDP Soomaaliya, Mudane Christophoros Politis.

Kulanka ayaa ahaa kulan isbarasho iyo is-xog-wareysi ku saabsan xaaladda dalka, gaar ahaan arrimaha bani’aadantinimada, maareynta musiibooyinka iyo diyaar-garowga saameynta la filayo ee El Niño.

Wakiilka cusub ee UNDP Soomaaliya, Mudane Christophoros Politis, ayaa bogaadiyay dadaallada ay Hay’adda SoDMA ugu jirto ka hortagga iyo maaraynta musiibooyinka, isagoo muujiyay sida ay UNDP uga go’an tahay inay garab istaagto dadaallada socda ee wax-ka-qabashada xaaladaha bani’aadantinimo iyo ka jawaabista xaaladaha degdegga ah.

Ugu dambeyn, Guddoomiyaha Hay’adda SoDMA, Mudane Maxamuud Macallin Cabdulle, ayaa soo dhaweeyay Wakiilka cusub ee UNDP Soomaaliya, isagoo adkeeyay muhiimadda ay leedahay xoojinta iskaashiga iyo wada-shaqeynta labada dhinac.