Guddoomiyaha Hay’adda Maareynta Musiibooyinka Qaranka SoDMA, Mudane Maxamuud Macallin Cabdulle, ayaa furay Maanta Kulanka Kooxda Shaqada Arrimaha haweenka ee Hawlaha Bani’aadantinimada, isagoo sheegay in xilligan uu yahay waqti Lama huraan ah oo Soomaaliya isu diyaarinayso saameynta El Niño.
Kulanka waxaa ka qeybgalaya hay’adaha dowladda, Qaramada Midoobay, hay’adaha samafalka iyo bah-wadaagta ka shaqeeya arrimaha bani’aadannimada, iyo Ururada ka shaqeeya ilaalinta xuquuqda haweenka.
Guddoomiyaha Hay’adda SoDMA Mudane Maxamuud Macalin Cabdulle Cabdulle wuxuu adkeeyay in saameynta cimiladu si gaar ah u taabato haweenka, carruurta, dadka qaba baahiyaha gaarka ah iyo barakacayaasha, sidaas darteedna arrimaha jinsiga iyo ka-qaybgalka bulshada lagu daro diyaar-garowga laga bilaabo bilowga.
Ugu Danbeyn, Guddoomiyuhu wuxuu ku baaqay wada-shaqeyn, isku-duwid iyo xog-wadaag dhex mara Dowladda, Qaramada Midoobay, NGO-yada iyo bah-wadaagta bani’aadantinimada, iyadoo la xoojinayo ka-qaybgalka haweenka iyo bulshooyinka nugul, si loo helo jawaab-celin isku-duwan oo waqtigeeda ku habboon looguna diyaar-garoobo saameynta El Niño.
0 Comments