Magaalada Muqdisho waxaa ka furmay shir ay soo qaban-qaabisay Hay’adda Maareynta Masiibooyinka Qaranka Soomaaliyeed (SoDMA), kaas oo diiradda lagu saaray xoojinta isku-duwidda jawaabaha masiibooyinka iyo horumarinta hababka gurmadka degdegga ah.
Shirka waxaa daahfuray Dr. Ismaaciil Jimcaale, Madaxa Mashaariicda SoDMA, oo khudbaddiisa ku adkeeyay muhiimadda mideynta dadaallada gurmadka degdegga ah iyo ka faa’iideysiga nidaamyada hore u jiray si loo helo jawaab masiibo oo degdeg ah, hufan, isla markaana waarta.
Intii uu shirku socday, waxaa laga dooday adeegsiga nidaamyada aqoonsiga iyo diiwaangelinta, hababka gaarsiinta kaalmada sida dhaqaalaha iyo xoojinta isku-duwidda xogta iyo hoggaaminta dowladda.
Ugu danbeyn, shirku waxuu adkeeyay doorka Nidaamka Ilaalinta Bulshada ee horumarinta jawaabaha degdegga ah, iyadoo la xoojinayo wada-shaqeynta hay’adaha dowladda iyo bah-wadaagta.
0 Comments