Hay’adda Maareynta Musiibooyinka (SoDMA) oo xoojineysa dadaallda gargaarka iyo garab istaagga dadka shacabka ah ee ku barakacay dagaallada lagu xoreynayo dalka ayaa 21,600 oo qof oo ah dadka colaaduhu saameeyeen gaarsiisay taageero bani’aadannimo oo iskugu jirta cunno, dawo, dhar, teendhooyin iyo agab kale oo muhiim u ah nolosha.
Ilaa hadda, in ka badan 46,000 oo qof oo ku dhaqnaa degmooyinka iyo degaannada gobolka Shabeeellaha dhexe iyo qeybo kamid ah gobolka Hiraan, ayaa ku barakacay dagaallada ka dhanka ah argagaxisada, kuwaas oo u baahan gacan-qabad iyo ka warqab bani’aadannimo oo joogto ah.
Tirada dadka ka barakacy guryahooda ayaa markasta sare u kici karta, maadama xaaladdu aysan wali deganeyn.
0 Comments