Xarunta Qaran ee Howl-gallada Gurmadka degdegga ah -NEOC ee Hay’adda Maareynta Musiibooyinka ayaa marti-galisay kulan isugu jira soo xiridda guud ahaan tababarro muddo soo socday oo la xariira guud ahaan xirfadaha gargaarka deg-degga ah iyo u mahad-celinta Safiirka Dowladda Turkiga, Md. Alper Aktas, Madaxa Hay’adda Bisha Cas ee Turkiga xafiiska Soomaaliya Md. Serif Simsek iyo jaamacadda Cilmiga Caafimaadka ee Turkiga oo la’aantood uusan tababarku hirgali lahayn.
Guddoomiyaha Hay’adda SoDMA, Md. Maxamuud Macallin Cabdulle oo Dowladda iyo shacabka aan walaalaha nahay ee Turkiga, Safaaradda, Jaamacadda iyo Isbitaalka Erdogan kaga mahad-celiyay taageeradooda hagar la’aaneed ee muddad dheer ah iyo xiriirka diblomaasiyadeed ee aadka u sarreeya ayaa shahaado sharaf iyo abaal marinno heerkoodu sarreeyo guddoonsiiyay Safiirka Turkiga, Md. Alper Aktas iyo Madaxa Hay’adda KIZILAY ee Soomaaliya Md. Serif Simsek.
0 Comments