Guddoomiyaha Hay’adda Maareynta Musiibooyinka Md. Maxamuud Macallin Cabdulle oo safar shaqo ku gaaray degmada Jalalaqsi ee gobolka Hiiraan ayaa gargaar isugu jira nuucyada kala duwan ee raashinka looguna tala-galay dadka nugul ee ka barakacay dagaallada dalka lagu xoreynayo iyo abaaraha ee ku dhaqan degaanka Qoryaale, ku wareejiyay Guddoomiyaha Degmada Jalalaqsi iyo Agaasimaha Guud ee Wasaaradda Gargaarka iyo Maareynta Musiibooyinka.
Guddoomiye Maxamuud ayaa si weyn u bogaadiyay shacabka Degaanka Qoryaale oo dhaca xadka gobollada Hiiraan iyo Shabeellaha dhexe, ahna degaan muhiim u ah geesiyaasha Macawisley ee u taagan difaaca degaanka iyo xoreynta dalka, isagoo ballan-qaaday garab istaag hor leh iyo taageero aan kala go’ lahayn.
0 Comments