Guddoomiyaha Hay’adda Maareynta Musiibooyinka Maxamuud Macallin Cabdulle, ayaan maanta kulan muhiim ah la qaatay Guddoomiyaha Golaha Sare ee Culimada Soomaaliyeed, Sheekh Aaden Abuukar Cusmaan (Sheekh Suufi Yare) iyo culimo kale oo wehlisa.
Kulanka ayaa looga hadlay, xaaladda dalka, muhiimadda ay leedahay furitaanka Qasnad Qaran oo si mideysan dadka Soomaaliyeed ugu aruuriyaan sakada iyo sadaqada ay la baxayaan, taasoo ay wadajir u maamulayaan Hay’adda iyo Midowga culimada, si loo yareeyo ku tiirsanaanta kaalmada bani’aadannimo ee dibadda.
Sidoo kale, masuuliyiinta ayaa isla gartay in culimadu dhisaan guddi si gaar ah ula shaqeeya Hay’adda SoDMA, halka la isku raacay in la qabto kulan kale oo lagu dhammeystarayo howlaha muhiimka ah ee labada dhinac iska kaashan doonaan.
0 Comments