Tababarkan ayaa waxaa lagu baranayay xirfado iyo farsamooyin heer caalami ah, iyadoo la adeegsanayay aalado casri ah oo wax weyn ka taraya badbaadinta nolosha dadka marka ay dhacaan xaaladaha degdegga ah. Intii uu socday tababarka, saraakiisha SoDMA ayaa sidoo kale kusoo bandhigay xirfado iyo aqoon cajiib ah oo ka tarjumeysa dadaalka ay ku bixiyaan sidii dalka loogu diyaarin lahaa ka hortagga iyo ka jawaabidda masiibooyinka.

Tababarkan waxa uu kusoo beegmayaa iyadoo xaaladaha gurmadka degdegga ah ee gudaha Soomaaliya ay sii kordhayaan, taas oo muujinaysa baahida loo qabo in la xoojiyo aqoonta, qalabka iyo kaabayaasha gurmadka degdegga ah si loo hubiyo badbaadada bulshada Soomaaliyeed.

Hay’adda SoDMA waxa ay sii wadi doontaa dadaallada ay ku horumarinayso xirfadaha shaqaalaha iyo awoodda dalka ee ka hortagga iyo ka jawaabidda masiibooyinka si waxtar leh oo hufan.