Wasiirka Wasaaradda Batroolka iyo Macdanta ee Dowladda Federaalka Soomaaliya, Md. Daahir Shire Maxamed, oo hadal kooban ka jeediyay shirweynaha 2-aad ee u adkeysiga aafooyinka Soomaaliya ayaa sheegay in Hay’adda SoDMA iyo Jaamacadda Muqdisho wadajir u mudan yihiin ammaanta dadaallada joogtada ah ee lagu yareynayo saameynta musiibooyinka dalka. Wasiirku wuxuu xusay in shirka uu muujinayo muhiimadda isku-tashiga bulshada Soomaaliyeed, iyo iskaashiga hay’adaha dowladda iyo kuwa tacliinta, si loo abuuro bulsho u adkeysata musiibooyinka.
Shirka oo ay wada qabanayaan SoDMA iyo Jaamacadda Muqdisho ayaa soo bandhigay qorsheyaal ay bulshada si weyn u taageereyso, maadaama ay ku saleysan yihiin cilmi-baaris iyo falanqeyn dhab ah oo wax looga qabanayo aafooyinka iyo musiibooyinka dalka. Qorshayaashan waxaa ka mid ah habab lagu yareynayo khataraha bini’aadantinimo, diyaarinta nidaamyo wax ku ool ah oo lagu maareeyo musiibooyinka, iyo kobcinta iskaashiga hay’adaha dowladda iyo kuwa caalamiga ah.
0 Comments