Wasiirka Gargaarka iyo Maareynta Musiibooyinka ee Dowlad Goboleedka Waqooyi Bari, Cabdirisaaq Hindi, oo ku hadlay Magaca wasiiradda Gargaarka Dowlad gobaleedyada dalka oo hadal ka jeediyay Meertada 9-aad ee Shirka Madasha Arrimaha Bini’aadannimada ee Soomaaliya (CHF), ayaa ka hadlay xaaladda bini’aadannimo ee dalka iyo saameynta abaarta ee ku yeelatay dowlad-goboleedyada.
Wasiirku wuxuu sheegay in dalka ay ka jirto abaar saameyn xun ku yeelatay dadka iyo xoolaha, taasoo u baahan in shirkaan uu noqdo jawab degdeg ah oo wax-ku-ool ah si looga hortago dhibaatooyinka bini’aadannimo ee dalka.
Cabdirisaaq Hindi ayaa sidoo kale xusay muhiimada shirka, oo la qabto saddexdii biloodba mar, si loo xoojiyo wada-shaqeynta hay’adaha gargaarka iyo dowlad-goboleedyada.
0 Comments