Nairobi, Kenya – 16 Sebtembar 2025 – Agaasimaha Waaxda Khataraha Musiibooyinka ee SoDMA, Mudane Khadar Sh. Maxamed,oo ka qeybgalay shir heer caalami ah oo lagu soo bandhigay 2025 Global Report on Food Crises (GRFC).
Agaasime khadar oo madasha ka hadlay ayaa faah-faahiyay caqabadaha ka jira Soomaaliya iyo gobolka, oo ay kamid yihiin cunto yaraanta, abaaraha, fatahaadaha, iyo isbeddelka cimilada, isaga oo ku baaqay
in la mideeyo dadaallada si looga hortago cunto yaraanta loona dhiso mustaqbal waara oo adkaysi leh.
Sidoo kale, Agaasimaha Waaxda Sugnaanta Cunnada iyo Ilaalinta Bulshada ee SoDMA, Mudane Abubakar Axmed Maxamed, ayaa soo bandhigay warbixin faahfaahsan oo ku saabsan heerka sugnaanta cuntada, nafaqada, saameynta colaadaha iyo abaaraha ay ku leeyihiin dalkeena, iyo saadaasha xilliyeedka Gu’ga iyo Deyrta 2025.
Shirka oo ay ka soo qeyb galeen madax ka socotay siddeed dal oo Bariga Afrika ah ayaa lagu adkeeyay muhiimadda iskaashiga gobolka si si wadajir ah wax looga qabto cunno yaraanta iyo saameynta ba’an ee ay ku leedahay bulshada.
0 Comments