Guddoomiye Ku-xigeenka Hay’adda Maareynta Masiibooyinka Qaranka (SoDMA), Dr. Axmed Cabdi Aadan, ayaa maanta kulan la yeeshay masuuliyiin ka socday xarunta maareynta masiibooyinka ee Jaamacadda Muqdisho, si loo dardargeliyo qabanqaabada Shirweynaha Somalia Disaster Resilience Conference (SDRC) oo lagu qabanayo magaalada Muqdisho sanadkan.
Kulanka waxaa ka qayb galay madaxda Waaxyaha Cilmi-baarista, Tababarka, iyo Warfaafinta SoDMA, iyadoo si gaar ah diiradda loo saaray iskaashiga u dhexeeya hay’adda iyo xarumaha tacliinta sare.
Shirka SDRC ayaa lagu wadaa inuu noqdo madal muhiim ah oo ay isugu yimaadaan khubaro iyo cilmi-baarayaal, si loo dejiyo qorshayaal wax ku ool ah oo lagu yareynayo saameynta masiibooyinka dabiiciga ah ee dalka.
Ugu dambayn, Dr. Axmed Cabdi Aadan ayaa ku bogaadiyay guddiga qabanqaabada dadaalka ay ku bixiyeen diyaarinta shirka, isaga oo xusay in uu yahay tallaabo muhiim ah oo horseedi doonta horumar iyo adkeynta kaabayaasha adkaysiga masiibooyinka Soomaaliya.
0 Comments