Guddoomiyaha Jaamacadda Muqdisho Dr. Ibraahim M. Mursal oo qeyb ka ah madaxda ka qeyb galaysa madasha Shirweynaha 2-aad ee U Adkeysiga Aafooyinka Soomaaliya oo kalmad kooban ka jeediyay daah-furka shirka ayaa xusay in madashaan ay ka turjumayso baahida ka jirta dalkeenna si aan wadajir ugu dhisno bulsho adkaysi leh oo si dhab ah u garanaysa in masiibooyinka dabiiciga ah iyo kuwa bani’aadamku ay yihiin dhibaatooyin u baahan xal ku dhisan aqoon, qorshe, iyo iskaashi.
Guddoomiyaha ayaa xusay sida dalkeennu ugu baahan yahay aragti togan oo loo dhan yahay, si loo yareeyo nuglaashada, isla-markaana loo dhisho adkaysi bulsho oo sal adag leh, isagoo tilmaamay in aqoontu tahay awoodda ugu weyn ee aan uga hortagi karo musiibooyinka ka jira dalkeenna kuna kobcin karno garaadkeenna arrinkaas ku aaddan, halka uu ballan-qaaday in Jaamacadda Mugdisho ay sii xoojin doonto dadaallada ku aaddan cilmi-baarista six al kama danbeys ah loo gaaro.
0 Comments