Muqdisho – Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macalin Cabdulle,oo maanta ka qeyb galay Shirka Maalgashiga Qurbo-joogta Soomaaliyeed oo ka furmay magaalada Muqdisho.
Guddoomiyaha Hay’adda Maareynta Musiibooyinka Qaranka SoDMA oo ka hadlayay shirka ayaa sheegay in dalka ay ka jirto abaar ba’an oo si weyn u saamaysay bulshooyinka nugul, taas oo u baahan gurmad degdeg ah iyo dadaal mideysan. Wuxuu hoosta ka xarriiqay in loo baahan yahay in si wadajir ah loo dardargeliyo hawlaha lagu badbaadinayo dadka ay abaaruhu saameeyeen.
Mudane Maxamuud Macalin Cabdulle ayaa ugu baaqay qurbo-joogta Soomaaliyeed inay kaalin weyn ka qaataan gurmadka, isagoo ammaanay taageerada joogtada ah ee ay u muujiyaan dadka dhibaateysan.
Ugu dambeyn, Guddoomiyahu wuxuu xusay in Hay’adda SoDMA ay diyaarisay qorshayaal cad oo hagaya gurmadka, isla markaana qurbo-joogtu ay weli yihiin laf-dhabarka dhaqaalaha iyo dib u dhiska dalka.
0 Comments