Guddoomiyaha Hay’adda Maareynta Musiibooyinka Md. Maxamuud Macallin Cabdulle ayaa kormeer ku tagay Isbitaalka Guud ee degmada Jalalaqsi, isago si hoose ugu kuur-galay xaaladda bukaannada daryeelka caafimaad u baahan ee isbitaalka lagula tacaalayo, kuwaas oo u badan dad danyar ah iyo barakacayaal abaaraha iyo colaaduhu saameeyeen oo ka war-qab gaar ah u baahan.
Guddoomiyaha ayaa Agaasimaha Waaxda Caafimaadka ee Hay’adda SoDMA Dr. Cabdullaahi Muuse Axmed u wakiishay inuu Agaasimaha Guud ee isbitaalka degmada Jalalaqsi Haaruun Xasan Abiikar ku wareejiyo daawo nuucyo kala duwan leh oo isbitaalka ku filan muddo saddex bil ah.
Dhaqaatiir ka kala tirsan Waaxda Caafimaadka ee Hay’adda SoDMA iyo Isbitaalka Madiina ayaa baaritaanno caafimaad, daweyn iyo talooyin wax-ku-ool ah siiyay bukaannada isbitaalka ku jira.
0 Comments