Guddoomiyaha Hay’adda Maareynta Musiibooyinka (SoDMA) Md. Maxamuud Macallin Cabdulle iyo wafdigiisa heerka sare ah oo ay qeyb ka ahaayeen madaxda Soomaaliya ku matalaysa shir-weynaha heerka caalami ah ee yareeynta khataraha musiibooyinka, kal-fadhigiisii siideedaad ee wadamada Carabta ay ku falanqeeynayeen arrimaha Yareeynta Khataraha Musiibooyinka oo maalmahan ka socday magaalada Geneva, ee wadanka Switzerland, ayaa halkaas kula kulmay wufuud kala duwan oo kala matalayay hay’adaha kala ah;
- Ku xigeenka Madaxa bankiga aduunka ahna madaxa Xafiiska bangiga u qaabilsan dhismaha kaabayaasha dhaqaalaha,
- Madaxa sanduuqa magdhawga khasaaraha ay musiibooyinku geeystaan (FRLD),
- Madaxa xarunta caalamiga ee ka hortaga musiibooyinka (Anticipation Hub),
- Madaxa CADRI, iyo Madaxda UNDP, IOM iyo FAO
- Madaxa CIMA foundation
- Madaxda WMO
- Madaxda UNDRR
Mas’uuliyiinta hay’addahaas iyo wafdiga Soomaaliya waxay kulamadooda gaar-gaarka ah ku falanqeeyeen sidii ay u horumarin lahaayeen xiriirkooda wax wada qabsi iyo sidii ay Soomaaliya gacan uga geeysanlahayd dadaallada heer caalami ee lugu yareeynayo khataraha Musiibooyinka.
Waxay mas’uuliyiintaasi si sareeysa u amaaneen dowrka fir-fircoon oo ay Xukuumadda Soomaaliya hay’adeeda SoDMA ka cayaartay dadaalka uu aduunku ugu jiro kobcinta iyo horumarinta awoodaha dowliga ah ee lugu xaddidayo khataraha Masiibooyinka soo noq-noqda, sidoo kale Gudoomiiyaha hay’adda SoDMA ayaa carrabka ku adkeeyay sida ay lagama-maarmaanka u tahay in ay Xukuumadda Jamhuuriiyadda Federaalka Soomaaliya dardar-geliso fulinta Istraatiijiyaddeeda qaran ee yareeynta khataraha Musiibooyinka, taas oo u mas’uuliintu balan qaadeen in ay SoDMA gacan ka siin doonaan fulinteeda.
0 Comments