Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macalin Cabdulle, ayaa maanta xarunta hay’adda ku qaabilay Guddiga Horumarinta Adeegga Bulshada, Arrimaha Bani’aadanimada, Warfaafinta iyo Dhaqanka ee Aqalka Sare.
Guddoomiyaha Hay’adda SoDMA ayaa xubnaha Guddiga ku soo dhaweeyay xarunta, wuxuuna uga warbixiyay howlaha hay’adda, waajibaadkeeda, caqabadaha bani’aadantinimo ee dalka, iyo xaaladda adag ee ka dhalatay abaarta baahsan ee saameysay dadka iyo duunyada.
Intii ay booqashadu socotay, waxaa si gaar ah loogu gorfeeyay saameynta abaarta, iyada oo diiradda la saaray sidii gargaar loo gaarsiin laa bulshada nugul
Ugu dambayn, Guddiga oo uu hoggaaminayo Senator Cismaan Maxamuud Maxamed (Dufle) ayaa ku amaanay SoDMA shaqada miisaanka leh iyo kaalinta ay Qaranka kaga jiraan, waxayna ballan qaadeen inay ka guddi ahaan gacan ka geysan doonaan xallinta caqabadaha ay maanta ka dhageysteen madaxda hay’adda.
0 Comments