Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macalin Cabdulle, ayaa khudbad ka jeediyay Meertada 9-aad ee 𝐒𝐡𝐢𝐫𝐤𝐚 𝐌𝐚𝐝𝐚𝐬𝐡𝐚 𝐀𝐫𝐫𝐢𝐦𝐚𝐡𝐚 𝐁𝐢𝐧𝐢’𝐚𝐚𝐝𝐚𝐧𝐧𝐢𝐦𝐚𝐝𝐚 𝐒𝐨𝐨𝐦𝐚𝐚𝐥𝐢𝐲𝐚 (𝐂𝐇𝐅) ee magaalada Jowhar, isagoo tilmaamay in Soomaaliya ay wajahayso xaalad bini’aadannimo oo halis ah.
Guddoomiyuhu wuxuu sheegay in abaaraha, fatahaadaha joogtada ah, colaadaha, iyo barakaca ay si weyn u saameeyeen nolosha shacabka, iyo dadka nugul ee ku nool guddaha dalka. Waxa uu ku boorriyay dhammaan hay’adaha dowladda iyo kuwa gargaarka in jawaab celinta ay noqoto mid degdeg ah, isku dubaridan, ka hortag ah, oo waxtar leh, si looga hortago saameynta musiibooyinka mustaqbalka.
Ugu Danbeyn , Mudane Maxamuud wuxuu xusay in nidaamyo iyo qorshayaal cusub oo ka hortagga musiibooyinka la diyaariyay, kuwaas oo lagu xaqiijinayo in jawaab celinta samafalka iyo xasilinta ay isku xiran yihiin, taasoo dhisaysa kalsoonida bulshada, dib u soo celisa maamulka, isla markaana aasaas u noqota nabadda iyo horumarka.
0 Comments