Guddoomiyaha Hay’adda Maareynta Masiibooyinka Qaranka (SoDMA), Mudane Maxamuud Macallin Cabdille, ayaa maanta xafiiskiisa ku qaabilay Agaasimaha Gobolka Bariga Afrika ee Hay’adda Islamic Relief, Mudane Yuusuf Rooble, iyo wafdi uu hoggaaminayay.
Kulanka ayaa lagu falanqeeyay xoojinta iskaashiga labada hay’adood, gaar ahaan dhinacyada ka hortagga masiibooyinka, bixinta gargaarka degdegga ah, iyo tababarka shaqaalaha SoDMA si ay uga jawaabaan xaaladaha degdegga ah.
Agaasimaha Islamic Relief ayaa bogaadiyay dadaallada joogtada ah ee SoDMA, isagoo ballan qaaday in hay’addiisu ay sii wadi doonto taageerada iyo garab istaagga bulshada nugul.
Labada dhinac ayaa ku heshiiyay in la sameeyo guddi farsamo oo dardargeliya iskaashiga, Guddoomiyaha SoDMA, Mudane Maxamuud Macallin, ayaa dhankiisa carrabka ku adkeeyay in wada-shaqeyntan joogtada ah ay horseedi doonto xal waara oo wax ku ool ah.
0 Comments