Guddoomiye Ku-xigeenka Hay’adda Maareynta Musiibooyinka Soomaaliyeed (SoDMA) Dr. Axmed Cabdi Aadan ayaa soo xiray shir lagu ansixinayay Dib U Eegista Siyaasadda Qaran ee Maareynta Musiibooyinka, taasoo laf-dhabar u ah xoojinta ka-hortagga, u-diyaargarowga iyo ka-jawaabista Musiibooyinka ka dhaca dalka.
Kulanka ayaa lagu falanqeeyay hirgelinta siyaasad mideysan oo hagta hay’adaha dowladda iyo la-hawlgalayaasha, si loo helo isku-duwid hufan loona yareeyo saameynta Musiibooyinka dabiiciga ah iyo kuwa bini’aadanku sababo.
Shirkaan Waxaa ka qeyb galay hay’adaha Dowladda Federaalka, Dowlad-Goboleedyada xubnaha ka ah Dowladda Federaalka, hay’adaha Qaramada Midoobay oo ay ku jiraan, WFP, FAO, OCHA, IOM, iyo la-hawlgalayaasha bani’aadannimo iyo deeq-bixiyeyaasha.
Gebogabadii, Guddoomiye Ku-xigeenka Hay’adda Dr. Axmed Cabdi Aadan ayaa adkeeyay muhiimadda ay leedahay wada-shaqeyn joogto ah, is-waafajin xogeed iyo maalgelin waara si si buuxda loogu hirgeliyo Siyaasadda Qaran ee Maareynta Musiibooyinka.
0 Comments