Guddoomiyaha Hay’adda Qaranka ee Maareynta Masiibooyinka Soomaaliya (SoDMA), Mudane Maxamuud Macalin Cabdulle , ayaa si rasmi ah u daahfuray shir muhiim ah oo looga hadlayo abaaraha ba’an ee dalka ka jira, waxaana kasoo qeybgalay Hay’addaha wadamadda Islaamka .
Intii uu socday shirkaan waxaa si qoto dheer loogu falanqeeyay xaaladda abaarta dalka, tirada dadka ay saameeysay iyo baahiyaha degdegga ah ee ay tahay in lala gaaro bulshada, kuwaas oo ay ka mid yihiin biyo dhaamin, raashin, adeegyo caafimaad, hoy iyo taageero kale oo bani’aadamnimo.
Guddoomiyaha Hay’adda SoDMA waxuu ku adkeeyay muhiimadda ay leedahay in xilligan la isku xirnaado, si dhowna layskula shaqeeyo, isla markaana wixii gargaar ah ee la heli karo la isku duba rido si loo bixiyo jawaab mideysan oo wax ku ool ah.
Dhankooda Hay’adaha wadamada Islaamka ayaa ballan qaaday inay ka jawaabayaan abaarta, isla markaana ay si dhow ula shaqeyn doonaan SoDMA, iyagoo ku heshiiyay inay si deg deg ah Gacan uga gaystaan waxka qabashada abaarta dalka kadhacday
Ugu dambayn, Guddoomiyaha SoDMA Mudane Maxamuud Macalin Cabdulle ayaa soo xiray shirka, isagoo ku booriyay dhammaan hay’adaha Islaamka inay ballanqaadkooda u beddelaan ficil degdeg ah si loo yareeyo saameynta abaarta ba’an ee dalka ka jirta.
0 Comments