Guddoomiyaha Hayโadda Maareynta Masiibooyinka Qaranka (SoDMA), Mudane Maxamuud Macalin Cabdulle, ayaa maanta kulan miro-dhal ah la yeeshay qaar kamid ah deeq-bixiyayaal calamiga ah sida Midowga Yurub, Mareykanka iyo Qaramada Midoobay, iyagoo si qoto dheer uga wada hadlay sidii loo xoojin lahaa gurmadka abaarta dalka ka jirta.
Kulanka waxaa diiradda lagu saaray xaaladda abaarta oo maraysa heer aad u halis ah, taas oo si baโan u saameysay gobollo badan oo Soomaaliya ka mid ah. Guddoomiyaha Hayโadda SoDMA ayaa deeq-bixiyayaasha uga warbixiyay baahiyaha degdegga ah ee bulshada, isagoo tilmaamay in qeybo badan oo dalka ah ay u baahan yihiin gargaar biniโaadannimo oo degdeg ah.
Dhankooda, Deeq-bixiyayaashu waxay muujiyeen walaac ku aaddan abaarta, waxayna ballan qaadeen inay kordhin doonaan taageerada iyo iskaashiga ay la leeyihiin Soomaaliya, si wax looga qabto xaaladda adag ee biniโaadantinimo ee ka jirta dalka.
Ugu dambeyn, Guddoomiye Maxamuud Macalin Cabdulle ayaa beesha caalamka ugu baaqay inay sii xoojiyaan kaalintooda, ayna gacan ka geystaan gurmadka iyo taageerada dadka ay Abaartu si daran u saameysay.
0 Comments