Waxaa magaalada Muqdisho lagu soo gabagabeeyay shir lagu horumarinayay habraacyada shaqo ee Barnaamijka Ka Jawaabista Degdegga ah ee Ilaalinta Bulshada (SRSP).

Shirkan oo ay martigelisay Hay’adda Maareynta Musiibooyinka Qaranka (SoDMA) ayaa waxaa ka qayb galay mas’uuliyiin ka socda Wasaaradda Shaqada iyo Arrimaha Bulshada, dowlad-goboleedyada dalka, Gobalka Banadir iyo Hay’adda Cunnada Adduunka (WFP).

Intii uu shirkaan socday, dhinacyadu waxay ku heshiiyeen habraacyo iyo qorshayaal mideysan oo lagu xoojinayo nidaamka ilaalinta bulshada, si loo gaaro jawaab-degdeg iyo hawlgalnimo horumarsan.

Ugu dambeyn, Dr. Ismaaciil Jimcaale, Lataliyaha Arrimaha Mashaariicda ee Hay’adda SoDMA, ayaa si rasmi ah u soo xiray shirka, isagoo ku dhiirrigeliyay dhammaan bahda ka qayb gashay in la dardar-geliyo hirgelinta heshiisyada la gaaray.