Wasiirka Wasaaradda Beeraha iyo Waraabka ee Dowladda Federaalka Soomaaliya, Md. Maxamed Cabdi Xayir (Maareeye), oo hadal kooban ka jeediyay Shirka U Adkeysiga Aafooyinka ee Soomaaliyeed ayaa xusay in shirka uu kusoo aaday xilli ay is dhintay taageeradii bani’aadannimo ee dibadda gaar ahaan gargaarka la xiriiray la-dagaallanka cayayaanka Ayaxa iyo wax-ka-qabashada xaaladaha degdegga ah ee dalka ka jira.
Wasiir Maxamed Cabdi Xayir ayaa hoosta ka xarriiqay muhiimadda ay leedahay in xal waaara loo helo saameynta taban ee abaaraha, fatahaadaha, iyo musiibooyinka kale, iyo sidoo kale horumarinta nidaamyada beeraha iyo waraabka si loo xaqiijiyo in dalka uu yeesho bulsho awood u leh ka hortagga iyo la qabsiga aafooyinka.
0 Comments