Guddoomiye Ku-xigeenka Hay’adda Maareynta Masiibooyinka Qaranka Dr Ahmed Abdi Adan (SoDMA) ayaa daahfuray tababar muhiim ah oo diiradda lagu saarayo ka hortagga khatarta cudurka dilaaga ah ee Ebola, kor u qaadista wacyiga, iyo xoojinta u diyaargarowga shaqaalaha iyo mutadawiciinta ka qeyb qaata gurmadka degdegga ah.

Tababarkan ayaa imaanaya xilli cudurka Ebola iyo khataraha ka dhasha cudurrada faafa ay u baahan yihiin feejignaan, diyaar-garow hore iyo iskaashi dhow oo dhexmara hay’adaha dowladda iyo bahwadaagta caafimaadka.

Hay’adda SoDMA ayaa tababarkan u diyaarisay qaar ka mid ah shaqaalaheeda iyo mutadawiciinta, si loo xoojiyo aqoontooda ku aaddan aqoonsiga khataraha, ilaalinta badbaadada naftooda iyo bulshada,

Intii uu socday tababarku, waxaa xoogga la saaray muhiimadda ay leedahay in jawaab-bixiyeyaasha safka hore ay qaataan taxaddarrada lagama maarmaanka ah, raacaan habraacyada badbaadada, isla markaana si degdeg ah u soo sheegaan xaalad kasta oo looga shakiyo cudur faafa, iyaga oo la shaqeynaya hay’adaha caafimaadka ee ay khusayso.