Hay’adda Maareynta Musiibooyinka Qaranka Soomaaliyeed (SoDMA) ayaa magaalada London ee Boqortooyada Midowday uga qayb gashay munaasabad lagu daah-furay Somali Diaspora Emergency Coordination Hub (SODECH).
Munaasabadda oo ay soo qabanqaabiyeen IOM UK iyo IOM Soomaaliya waxaa ka qayb galay hoggaamiyeyaal ka tirsan qurba-joogta Soomaaliyeed, hay’adaha bani’aadannimo iyo daneeyayaal kale, iyadoo diiradda lagu saaray xoojinta isku-xirka iyo iskaashiga dhinacyada ay khuseyso.
SODECH waxay muhiimad gaar ah siinaysaa ka faa’iideysiga aqoonta, khibradda, xiriirrada iyo taageerada qurba-joogta Soomaaliyeed, si loo taageero diyaar-garowga musiibooyinka, gurmadka degdegga ah iyo dhismaha adkeysiga bulshada.
Ugu Danbeyn, Hay’adda SoDMA ayaa soo dhaweysay aasaaska SODECH, iyadoo adkeysay doorka ay qurba-joogta Soomaaliyeed ku leeyihiin taageerada dadaallada bani’aadannimo iyo maareynta musiibooyinka, waxayna balan qaaday inay diyaar u tahay xoojinta wada-shaqeynta SODECH, IOM iyo bah-wadaagta qurba-joogta Soomaaliyeed.
0 Comments