Hay’adaha SoDMA,Cumaan Charity iyo Maamulka Gobolka Banaadir ayaa si wadajir ah deeq afurin ah ugu qeybiyay qoysas danyar ah oo ku nool degmooyinka Howlwadaag, Warta Nabadda iyo Hodan ee magaalada Muqdisho.

Deeqdan afurinta ah ayaa qeyb ka ah taageero loo fidinayo bulshada nugul, iyadoo dalka ay ka jiraan abaaro baahsan, isla markaana lagu jiro bisha barakeysan ee Ramadaan.

Mas’uuliyiin ka tirsan SoDMA oo goobta ka hadlay ayaa sheegay in deeqdan ay muhiim u tahay qoysaska danyarta ah, isla markaana hay’addu ay sii wadi doonto gurmadka iyo taakuleynta dadka u baahan.