Muqdisho, Soomaaliya — Isagoo ku hadlaya magaca xubnaha Guddi Goob-shaqo iyo dhammaan shaqaalaha Hay’adda Maareynta Masiibooyinka  Soomaaliyeed (SoDMA), Mudane Cabdi Xuseen Cabdi (Cabdi Yare), oo ah Guddoomiyaha Guddiga, ayaa u diray hambalyo daacad ah Guddoomiyaha hay’adda, Mudane Maxamuud Macallin Cabdulle, ku guuleysigiisa abaalmarinta “Hoggaaminta Gaarka Ah” ee Abaalmarinnada Hoggaaminta Soomaalida ee 2025.

Bayaan rasmi ah, Mudane Cabdi Yare wuxuu ku xaqiijiyay in maamuuskan uusan ahayn oo kaliya guul shakhsi ah oo uu gaaray Guddoomiyaha, balse uu yahay isha sharaf iyo dhiirigelin u ah qof kasta oo ka mid ah hay’adda. Wuxuu yiri: “Annagoo ku hadlayna magaca dhammaan xubnaha Guddi Goob-shaqo iyo shaqaalaha SoDMA, waxaan muujineynaa mahadnaq qoto dheer oo ku saabsan hoggaaminta gaarka ah iyo dadaalka uu muujiyay Guddoomiye Maxamuud Macallin. Shaqadiisa adag iyo go’aankiisa aan leexleexadka lahayn ee uu ku dhisay hay’ad awood leh oo si xirfad sare ah uga jawaabta masiibooyinka, ayaa dhamaanteen nagu dhiirigelisay inaan bixinno waxa ugu wanaagsan si aan ugu adeegno dadkeena.”

Cabdi Yare wuxuu intaa ku daray in “abaalmarintani ay tahay shahaado muujinaysa dadaalkiisa gaarka ah, go’aankiisa aan daalka lahayn, iyo wax-ku-darkiisa wanaagsan oo farqi dhab ah ka sameeyay awoodda Soomaaliya ay ugu jawaabto dhibaatooyinka bani’aadamnimo.”

Wuxuu ku soo gabagabeeyay bayaankiisa isagoo xaqiijinaya in kooxda SoDMA ay sii wadi doonto shaqada ay ku hoos jirto hanuuninta Guddoomiyaha si loo xoojiyo awoodda hay’adda looguna adeego bulshada Soomaaliyeed xaalad kasta.

Dhammaad